ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - قىززىق نوقتا

باش نىشان بىزنى ئۈزلۈكسىز ئىلگىرىلەشكە يېتەكلەيدۇ

يوللانغان ۋاقىت : 2018 - يىلى 10 - ئاينىڭ 22- كۈنى 08:31   |    ئاپتور :   |   مەنبە : تەڭرىتاغ تورى

    جىڭ ناھىيەسى داخىيەنزى بازىرى ھەرتەرەپلىمە تۈزەش مەركىزىنىڭ كادىرى تولقىن قۇسمان

    مەن داخىيەنزى بازىرىنىڭ خۇسايىن تېرەك كەنتىدە تۇغۇلۇپ چوڭ بولغان، بۇ، كۆپ مىللەت توپلىشىپ ئولتۇراقلاشقان چوڭ ئائىلە بولۇپ، خەنزۇ، ئۇيغۇر، خۇيزۇ، موڭغۇل قاتارلىق ھەر مىللەت كەنت ئاھالىسى ياشايدۇ. ئۆتمۈشۈمنى ئەسلىسەم، باشلانغۇچ مەكتەپتە ئوقۇغاندىن تارتىپ جەمئىيەتكە قەدەم قويۇپ خىزمەت ئورنىغا چىققىچە، پارتىيە ۋە ھۆكۈمەتنىڭ ھەر تەرەپلىمە غەمخورلۇقى، تەربىيەسىگە ئېرىشتىم، ھەر مىللەت دوستلارنىڭ ياردىمى ۋە قوللىشىغا ئېرىشتىم. مەن تۇغۇلۇپ چوڭ بولغان بۇ مۇنبەت تۇپراق ماڭا بۇ ئىللىق ئائىلىدە ئۈزلۈكسىز ئاكتىپ كۈچ تارقىتىشنى ئۆگەتتى.

    يېقىنقى يىللاردىن بۇيان، يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ شىنجاڭنى ئىدارە قىلىش تەدبىرى، بولۇپمۇ ئىجتىمائىي مۇقىملىق ۋە ئەبەدىي ئەمىنلىك باش نىشانىنىڭ يېتەكچىلىكىدە، شىنجاڭ مىللەتلەر ئىتتىپاقلىقى، دىنلار ئىناقلىقى ۋە جەمئىيەت ئامانلىقى قاتارلىق خىزمەتلەردە ناھايىتى زور نەتىجىلەرنى قولغا كەلتۈردى. ئەمەلىيەت شۇنى ئىسپاتلىدىكى، پارتىيەمىزنىڭ شىنجاڭنى ئىدارە قىلىش تەدبىرى تامامەن توغرا، بىز چوقۇم ئىستراتېگىيەلىك ئىرادىنى ساقلاپ، ئۇنىڭدا ئۇزاققىچە چىڭ تۇرۇشىمىز كېرەك. ئاپتونوم رايونلۇق پارتكوم بىزنى يولداش ئوبۇلقاسىم مەتتۇرسۇننى ئۈلگە قىلىپ، پارتىيەگە سادىق بولۇش، ۋەتەننىڭ بىرلىكىنى قوغداش، مىللەتلەر ئىتتىپاقلىقىنى ئىلگىرى سۈرۈش، باش نىشاننى ئەمەلىيلەشتۈرۈش، جۇڭگوچە سوتسىيالىزم قۇرۇشنىڭ ئۈلگىلىرىدىن بولۇشقا چاقىردى. بىرلىك سەپ، مىللەت – دىن ئىشلىرى سىستېمىسىدىكى كادىر بولۇش سۈپىتىم بىلەن، مەسئۇلىيىتىمنىڭ ئېغىرلىقىنى چوڭقۇر ھېس قىلدىم، شۇنداقلا بۇنىڭ بىز بىر ئەۋلاد كىشىلەرنىڭ شەرەپلىك بۇرچى ئىكەنلىكىنى چوڭقۇر بىلىپ يەتتىم، شۇڭا بىز تېررورلۇققا قارشى تۇرۇش، مۇقىملىقنى قوغداش خەلق ئۇرۇشىنىڭ ئىنتايىن مۇھىملىقىنى تېخىمۇ سەگەكلىك بىلەن تونۇپ، قەتئىي، كەسكىن ھالدا ‹‹ئۈچ خىل كۈچ››، ‹‹ئىككى يۈزلىمىچى››لەرگە قارشى ئاداققىچە كۈرەش قىلىشىمىز، قەتئىي غايە – ئېتىقادىمىز ئارقىلىق ئىجتىمائىي مۇقىملىق ۋە ئەبەدىي ئەمىنلىكنى قوغداشنىڭ پولات سېپىلىنى مۇستەھكەملىشىمىز كېرەك.

    دىن خىزمىتى پارتىيە ۋە دۆلەت خىزمىتى ئومۇمىيىتىدە ئالاھىدە مۇھىم خاراكتېرگە ئىگە بولۇپ، جۇڭگوچە سوتسىيالىزم ئىشلىرىنىڭ تەرەققىياتىغا مۇناسىۋەتلىك، پارتىيەنىڭ خەلق ئاممىسى بىلەن قان بىلەن گۆشتەك باغلىنىشىغا مۇناسىۋەتلىك، ئىجتىمائىي ئىناقلىق، مىللەتلەر ئىتتىپاقلىقىغا مۇناسىۋەتلىك، دۆلەت خەۋپسىزلىكى ۋە ۋەتەننىڭ بىرلىكىگە مۇناسىۋەتلىك. ئاساسىي قاتلامدىكى بىرلىك سەپ، مىللەت – دىن ئىشلىرى كادىرى بولۇش سۈپىتىم بىلەن، پارتىيەنىڭ دىن خىزمىتى ئاساسىي فاڭجېنىنى ئومۇميۈزلۈك ئىزچىللاشتۇرۇپ، يۇقىرى دەرىجىلىك پارتكومنىڭ ئورۇنلاشتۇرۇشى، ئورۇنلاشتۇرمىسىغا ئاساسەن، خىزمەت مەسئۇلىيىتىمنى كەم – كوتسىز ياخشى ئادا قىلىپ، دىننى سوتسىيالىزم جەمئىيىتىگە ئۇيغۇنلىشىشقا پائال يېتەكلەپ، بىرلىك سەپ خىزمىتىدە زەربىدار بولىمەن.

    پارتىيەنىڭ سىياسىتىنى ئىجرا قىلغۇچى بولۇش سۈپىتىمىز بىلەن، پارتىيە ۋە خەلقنىڭ ئۈمىدىنى يەردە قويمىساقلا، پارتىيە ۋە خەلقنىڭ ئىشەنچىسىگە يۈز كېلەلەيمىز، لاياقەتلىك جاۋاب بېرەلەيمىز. بىز ئەسلىي مەقسەتنى ئۇنتۇماي، بۇرچنى ئەستە چىڭ ساقلاپ، مەسئۇلىيەتنى زىممىمىزگە ئېلىپ، پۇختا قەدەم بىلەن ئىلگىرىلەپ، دىققەتنى باش نىشانغا مەركەزلەشتۈرۈپ، باش نىشانغا مۇلازىمەت قىلىپ، باش نىشاننى ئىشقا ئاشۇرۇپ، جۇڭخۇا مىللىتىنىڭ ئۇلۇغ گۈللىنىشىدىن ئىبارەت جۇڭگو ئارزۇسىنىڭ شىنجاڭ سەھىپىسىنى ئورتاق يارىتايلى.

    http://uy.ts.cn/system/2018/10/17/035418172.shtml

مۇھەررىر : دىلارە خەمىت

قىززىق نوقتا

ئاكادېمىيە

شىنجاڭ

مۇھاكىمە مۇنبىرى