ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - مۇھاكىمە مۇنبىرى

ئىسلاھات، ئېچىۋېتىشنىڭ جاراڭلىق ساداسىغا قۇلاق سالايلى

يوللانغان ۋاقىت : 2018 - يىلى 10 - ئاينىڭ 18- كۈنى 03:17   |    ئاپتور :   |   مەنبە : خەلق تورى

    تارىخنىڭ تەرەققىيات لوگىكىسى بويىچە ئىلگىرىلەپ، دەۋرنىڭ تەرەققىيات ئېقىمىدا تەرەققىي قىلىش كېرەك. 40 يىلدىن بۇيان، جۇڭگونىڭ ئىسلاھات-ئېچىۋېتىشتىن ئىبارەت بۇ ئىنقىلابىنىڭ ئىككىنچى مەيدانلىق كۈرىشى نەتىجىسىدە، جۇڭگودا، يەنى بۇ مۇقەددەس زېمىنىدا غايەت زور ئۆزگىرىشلەر بولدى، ئىسلاھات، ئېچىۋېتىشنىڭ تەرەققىيات نەتىجىلىرى دۇنيانىڭ دىققىتىنى تارتتى. يېزىلاردىكى ئىسلاھاتتىن شەھەرلەردىكى ئىسلاھاتقىچە، دېڭىز بويلىرىدىكى ئېچىۋېتىشتىن ئىچكى قۇرۇقلۇقنىڭ ئېچىۋېتىلىشىگىچە، دۆلەت كارخانىلىرىنىڭ تۈزۈلمىسىنى ئۆزگەرتىشتىن پۇقراۋى كارخانىلارنىڭ قەد كۆتۈرۈشىگىچە، جۇڭگو خەلقى ئىككى قولى بىلەن دۆلەت ۋە مىللەت تەرەققىياتىنىڭ سەلتەنەتلىك داستانىنى يېزىپ چىقتى.

    40 يىللىق ئىسلاھات ۋە ئېچىۋېتىش نەتىجىسىدە بىزدە يۈز بەرگەن چوڭقۇر ئۆزگىرىشلەرنى قانداق ھىس قىلىش مۇمكىن؟ تارىخىي تەلەپكە ئۇيغۇنلاشقان ۋە دەۋرنىڭ ئېقىمىغا ماسلاشقان ئىسلاھات ۋە ئۆزگىرىشلەرنىڭ تومۇرىنى زادى قانداق تۇتۇش مۇمكىن؟ ئىجاتچانلىق ئارقىلىق تەرەققىي قىلدۇرۇشنىڭ رىۋايەتلىك «جۇڭگو كودى»نى زادى قانداق يېشىش مۇمكىن؟ بىر تامچە سۇمۇ قۇياش نۇرىنى ئەكس ئەتتۈرەلەيدۇ، بىرلا جايمۇ بىر دۆلەتنىڭ قىياپىتىنى نامايان قىلالايدۇ. 40 يىلدىن بۇيان، شەھەرلەر ئىسلاھاتى، ناھىيەلەر ئىسلاھاتى ۋە كارخانىلار ئىسلاھاتىنى قەتئىي بوشاشماي ئىلگىرى سۈرۈش نەتىجىسىدە، مول نەتىجىلەر قولغا كەلتۈرۈلدى، ئىسلاھات-ئېچىۋېتىشنىڭ ئۇلۇغ مۇساپىسى كۈچلۈك ئىلگىرى سۈرۈلدى، ئۇ نەتىجىلەر بىزنىڭ 40 يىللىق ئىسلاھات-ئېچىۋېتىشنى كۆزىتىشىمىزنى مۇھىم ھەم ئۆزگىچە بولغان كۆزىتىش نۇقتىسى بىلەن تەمىنلىدى.

    بۈگۈندىن ئېتىبارەن، ھەرقايسى چوڭ تاراتقۇلارنىڭ «100 شەھەر، 100 ناھىيە ۋە100 كارخانىنى تەكشۈرۈپ تەتقىق قىلىش سەپىرى» ناملىق بۇ چاتما خەۋەرلەرنىڭ مەخسۇس سەھىپىلىرى ئېچىلدى. شېنجېن قانداق قىلىپ «كىچىك بېلىقچىلىق كەنتى»دىن بىر سەكرەپلا بېيجىڭ، شاڭخەي، گۇاڭجۇ بىلەن بەسلىشەلەيدىغان «يېڭى بىر تۈركۈمدىكى بىرىنچى سەپتىكى شەھەرلەر» قاتارىغا كىردى؟ فۇجيەننىڭ جىنجياڭ شەھىرى قانداق قىلىپ «جىنجياڭ تەجرىبىسى» ئارقىلىق تەرەققىيات مۆجىزىلىرىنى ياراتتى؟ ئەسلىدىكى خۇسۇسىيلار ئىگىلىكىدىكى تۇنجى ئاپتوموبىل ياساش شىركىتى __ جىلى ئاپتوموبىل شىركىتى قانداق قىلىپ قۇرۇق قول ئىش باشلاپ، ئاخىرىدا شەرەپ بىلەن «دۇنيا بويىچە 500 كۈچلۈك كارخانا»غا ئايلاندى؟ چاڭجياڭ سەنشيا گۇرۇھى قانداق قىلىپ جۇڭگودىكى ئەڭ چوڭ پاكىز ئېنېرگىيە گۇرۇھىغا ئايلاندى؟ مۇخبىرلار مۇشۇنىڭدەك تىپىك رايون ۋە كارخانىلارنىڭ ئىسلاھات-ئېچىۋېتىش ئارقىلىق تەرەققىي قىلىشتىكى يوللىرىنى خەۋەر قىلىش ئارقىلىق، ئىسلاھات-ئېچىۋېتىش جەريانىدىكى ئۆتكەن ئىشلارنى ئەسلەپ، ئىسلاھات-ئېچىۋېتىشنىڭ مۇشۇنداق سىمۋوللۇق بەلگىلىرىنى زىيارەت قىلدى، ئىسلاھات-ئېچىۋېتىشنىڭ ساداسىغا قۇلاق سالدى، ئىسلاھات-ئېچىۋېتىش يولغا قويۇلغان 40 يىلدىن بۇيانقى، بولۇپمۇ پارتىيە 18- قۇرۇلتىيىدىن بۇيانقى ئۇلۇغ مۇساپىسىنى جانلىق ئەكس ئەتتۈردى، بۇ ئۇلۇغ گۈللىنىشنىڭ تارىخنىڭ چوڭقۇر قاتلاملىرىغا ۋە خەلق ئارىسىغا چوڭقۇر يوشۇرۇنغان ئۇلۇغ كۈچلىرىنى تولۇق ئۇرغۇتتى.

    http://uyghur.people.com.cn/158504/15736443.html

مۇھەررىر : دىلارە خەمىت

قىززىق نوقتا

ئاكادېمىيە

شىنجاڭ

مۇھاكىمە مۇنبىرى