ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - جەمئىيەت ۋە قانۇن

ئالدامچىلىققا چېتىشلىق ساقلىقنى ساقلاش بۇيۇملىرىدىن ئېھتىيات قىلىڭ

يوللانغان ۋاقىت : 2018 - يىلى 04 - ئاينىڭ 02- كۈنى 02:49   |    ئاپتور :   |   مەنبە : خەلق تورى

    خەلق تورى ئۇيغۇرچە قانىلىنىڭ 30- مارت بېيجىڭدىن بەرگەن تېلېگراممىسى: دۆلەت يېمەكلىك - دورا باشقۇرۇش تارماقلىرى يېقىندا 10 قېتىملىق يېمەكلىك، ساغلاملىق يېمەكلىكلىرى ئالدامچىلىقى ۋە يالغان تەشۋىقاتتىكى تىپىك دېلو مىساللىرىنى ئېلان قىلدى. بۇ مەسىلىلەر ئىجازەت ئالماي تۇرۇپ يېمەكلىك، ساغلاملىق يېمەكلىكى سېتىش، دورىلارغا قانۇنسىز خۇرۇچ قوشۇلغان يېمەكلىك ئىشلەپچىقىرىش-سېتىش، ساختا ئىشلەپچىقىرىش ۋاقتى چاپلاش قاتارلىقلارغا چېتىلىدۇ.

    ئون تىپىك دېلو مىسالى ئىچىدە تۆتىسى يېمەكلىككە دورىنى قانۇنسىز قوشۇش دېلوسى. بۇنىڭ ئىچىدە خۇنەن خېڭياڭدىكى جوۋ xx قاتارلىقلار سىبۇترامىن، فېنولفتالىن قاتارلىق دۆلەت قوشۇشنى چەكلىگەن دورىلار قوشۇلغان يېمەكلىكلەرنى ئىشلەپچىقارغان ھەمدە ئېنتېرنت تورىدىن پايدىلىنىپ ساتقان، دېلوغا چېتىشلىق مال قىممىتى 200 مىليون يۈەنگە يەتكەن. جېجياڭ خۇجۇدىكى خۇ x قاتارلىقلار ئىشلەپچىقىرىپ ساتقان «يۈز مىليون ياخشى ھارىقى» تەركىبىدە دېكسامېتازون، ئىندومېتاتسىن تەكشۈرۈپ چىقىلغان، «يىساۋكاڭ» تەركىبىدىن ئىككى خىلورلۇق ناترىي سىترات كىسلاتاسى تەكشۈرۈپ چىقىلغان، دېلوغا چېتىشلىق مال قىممىتى 10 مىليون يۈەندىن ئاشقان. نۆۋەتتە جىنايەت گۇماندارلىرى جامائەت خەۋپسىزلىكى ئورگىنىنىڭ بىر تەرەپ قىلىشىغا ئۆتكۈزۈپ بېرىلدى.

    بۇلتۇر 7-ئايدا، گوۋۇيۈەن يېمەكلىك بىخەتەرلىكى ئىشخانىسى، يېمەكلىك - دورا نازارەت قىلىپ باشقۇرۇش باش ئىدارىسى قاتارلىق توققۇز تارماق مەملىكەت بويىچە بىر يىللىق يېمەكلىك، ساغلاملىق يېمەكلىكلىرى ئالدامچىلىقى ۋە ساختا تەشۋىقاتلارنى تۈزەش ھەرىكىتىنى قانات يايدۇرۇشنى ئورۇنلاشتۇرغان ئىدى. 2017-يىلىنىڭ ئاخىرىغىچە، ھەر دەرىجىلىك يېمەكلىك- دورا نازارەت قىلىپ باشقۇرۇش تارماقلىرى يېمەكلىك ۋە ساغلاملىق يېمەكلىكلىرىنى ئىشلەپچىقىرىش- تىجارەت ئورۇنلىرىدىن 870 مىڭ ئورۇننى تەكشۈرۈپ، قانۇنغا خىلاپلىق قىلىش دېلوسىدىن 12 مىڭدىن ئارتۇقنى تەكشۈرۈپ بىر تەرەپ قىلىپ، كەينى- كەينىدىن جەمئىيەتكە ئېلان قىلدى ياكى ئېلان قىلماقچى.

مۇھەررىر : دىلارە خەمىت

قىززىق نوقتا

ئاكادېمىيە

شىنجاڭ

مۇھاكىمە مۇنبىرى