ئۇيغۇرچەقازاقشا 简体
ئورنىڭىز : ئۇيغۇرچە - باش بەت - خەلقئارا

كۆپ دۆلەت بىرلەشمە ئارمىيەسىنىڭ يەمەندىكى قۇسەين قوراللىق كۈچلىرىگە قىلغان ھۇجۇمىدا 11 كۈندە 136 كىشى قازا قىلدى

يوللانغان ۋاقىت : 2017 - يىلى 12 - ئاينىڭ 25- كۈنى 04:06   |    ئاپتور :   |   مەنبە : خەلق تورى

        خەلق تورى ئۇيغۇرچە قانىلىنىڭ 21-دېكابىر بېيجىڭدىن بەرگەن تېلېگراممىسى: بۇ ئايدا، سەئۇدى ئەرەبىستان يېتەكچىلىكىدىكى كۆپ دۆلەت بىرلەشمە ئارمىيەسىنىڭ يەمەندىكى قۇسەين قوراللىق كۈچلىرىگە قىلغان ھاۋا ھۇجۇمى 11 كۈندە 136 پۇقرانىڭ ئۆلۈشىنى كەلتۈرۈپ چىقاردى، بۇنىڭ ئىچىدە 23 بالىمۇ بار.

    بىرلەشكەن دۆلەتلەر تەشكىلاتى ئىنسانىي ھوقۇق ئىشلىرى ئالىي خادىمى ئىشخانىسىنىڭ باياناتچىسى روبېرت كېرۋېر مۇنداق دېدى: بۇ ئاينىڭ بېشىدا، يەمەننىڭ ئالدىنقى زۇڭتۇڭى ئەلى ئابدۇللا سالىھ قەستلەپ ئۆلتۈرۈلگەندىن كېيىن، كۆپ دۆلەت بىرلەشمە ئارمىيەسى يەمەندىكى قۇسەين قوراللىق كۈچلىرىگە ھاۋا ھۇجۇمى قوزغىدى. بۇ، پۇقرالارنىڭ ئۆلۈم-يېتىم ئەھۋالىنى زىيادە ئاشۇرۇۋەتتى، نۆۋەتتە بىرلەشكەن دۆلەتلەر تەشكىلاتى بۇ ئىشقا يېقىندىن دىققەت قىلماقتا.

    كېرۋېر يەنە مۇنداق دېدى: بۇ ئاينىڭ 6-چېسلادىن 16-چېسلاغىچە، يەمەننىڭ شىمالىدىكى تۆت ئۆلكىدىكى ھاۋا ھۇجۇمىدا جەمئىي 136 ئادەم ئۆلگەن، بۇنىڭ ئىچىدە 23ى بالىلار، ئۇنىڭدىن باشقا 87 ئادەم يارىلانغان. ھاۋا ھۇجۇمى نىشانى قۇسەين قوراللىق كۈچلىرى كونتروللىقىدىكى بىر تېلېۋىزىيە ئىستانسىسى، بىر توي مۇراسىمى نەق مەيدانى. قىزىل دېڭىز بويىدىكى شەھەر ھۇدەيداھتىكى بىر دوختۇرخانا ۋە بىر دېھقانچىلىق مەيدانى بولغان.

مۇھەررىر : Mirza

قىززىق نوقتا

شىنجاڭ

مۇھاكىمە مۇنبىرى