ئۇيغۇرچەقازاقشا 简体
ئورنىڭىز : ئۇيغۇرچە - باش بەت - خەلقئارا

بىرلەشكەن دۆلەتلەر تەشكىلاتىنىڭ سىياسىي ئىشلارغا مەسئۇل مۇئاۋىن باش كاتىپى چاۋشيەندە زىيارەتتە بولىدۇ

يوللانغان ۋاقىت : 2017 - يىلى 12 - ئاينىڭ 07- كۈنى 02:50   |    ئاپتور :   |   مەنبە : خەلق تورى

    خەلق تورى ئۇيغۇرچە قانىلىنىڭ 5- دېكابىر بېيجىڭدىن بەرگەن تېلېگراممىسى: بىرلەشكەن دۆلەتلەر تەشكىلاتى 4- ئاپرېل، بىرلەشكەن دۆلەتلەر تەشكىلاتىنىڭ سىياسىي ئىشلارغا مەسئۇل مۇئاۋىن باش كاتىپى جېفرى فېلتماننىڭ 12-ئايىڭ 5-كۈنىدىن 8-كۈنىگىچە چاۋشيەندە زىيارەتتە بولۇپ، چاۋشيەن تەرەپ ئەمەلدارلىرى بىلەن «ئورتاق كۆڭۈل بۆلىدىغان مەسىلىلەر»نى مۇزاكىرە قىلىدىغانلىقىنى جاكارلىدى.

    بىرلەشكەن دۆلەتلەر تەشكىلاتى باش كاتىپىنىڭ باياناتچىسى دىيارىك شۇ كۈندىكى قەرەللىك مۇخبىرلار يىغىنىدا: زىيارەت مەزگىلىدە، فېلتمان يەنە ب د ت دىكى ھەر قايسى دۆلەتلەر گۇرۇپپىلىرى ۋە دىپلوماتىيە ئەلچىلەر ئۆمىكىنىڭ ئەزالىرى بىلەن كۆرۈشىدۇ ھەمدە ب د ت تۈر ئورۇنلىرىنى زىيارەت قىلىدۇ، دېدى. مۇخبىرلارنىڭ سوئالىغا جاۋاب بەرگەندە، دىيارىك فېلتماننىڭ زىيارىتىنىڭ پۈتۈنلەي پيۇڭياڭدا ئېلىپ بېرىلىدىغانلىقىنى ئېيتتى.

    بىرلەشكەن دۆلەتلەر تەشكىلاتى ئالىي ئەمەلدارىنىڭ چاۋشيەندىكى ئەڭ يېقىنقى ئىككى قېتىملىق زىيارىتى ئايرىم-ئايرىم 2010-يىلى ۋە 2011-يىلى ئېلىپ بېرىلغان بولۇپ، ب د ت نىڭ سىياسىي ئىشلارغا مەسئۇل مۇئاۋىن باش كاتىپى پاسكو 2010-يىلى 2-ئايدا چاۋشيەندە تۆت كۈن زىيارەتتە بولغان. ب د ت نىڭ ئىنسانپەرۋەرلىك ئىشلىرىغا مەسئۇل مۇئاۋىن باش كاتىپى ئاموس 2011-يىلى10-ئايدا چاۋشيەندە بەش كۈن زىيارەتتە بولغان.

مۇھەررىر : دىلارە خەمىت

قىززىق نوقتا

شىنجاڭ

مۇھاكىمە مۇنبىرى