ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - مەدەنىيەت ئىزنالىرى

جۇڭگو شىنجاڭ مەدەنىيەت ئالماشتۇرۇش ئۆمىكى كانادادا زىيارەتتە بولدى

يوللانغان ۋاقىت : 2017 - يىلى 11 - ئاينىڭ 17- كۈنى 04:49   |    ئاپتور :   |   مەنبە :  خەلق تورى

    خەلق تورى ئۇيغۇرچە قانىلىنىڭ 2-نويابر بېيجىڭدىن بەرگەن تېلېگراممىسى: جۇڭگو گوۋۇيۈەنى ئاخبارات ئىشخانىسى تەشكىللىگەن جۇڭگو شىنجاڭ مەدەنىيەت ئالماشتۇرۇش ئۆمىكى 10-ئاينىڭ 29-كۈنى كاناداغا يېتىپ بېرىپ، ئىككى كۈن ئىچىدە ئىلگىرى-كېيىن بولۇپ تورونتو ۋە ئوتتاۋادا بىر قانچە مەيدان سۆھبەت يىغىنى ئۆتكۈزۈپ، شۇ جايدىكى ئىلىم ئەھلىلىرى ۋە تاراتقۇ خادىملىرى بىلەن كەڭ ۋە ئۈنۈملۈك بولغان مەدەنىيەت ئالاقىسى ئالماشتۇردى.

    مەدەنىيەت ئالماشتۇرۇش ئۆمىكىنىڭ باشلىقى، گوۋۇيۈەن ئاخبارات ئىشخانىسى كىشىلىك ھوقۇق ئىشلىرى ئىدارىسىنىڭ مۇئاۋىن باشلىقى زو فېڭنىڭ چۈشەندۈرۈشىچە، جۇڭگو شىنجاڭ مەدەنىيەت ئالماشتۇرۇش ئۆمىكىنىڭ بۇ قېتىمقى شىمالىي ئامېرىكا سەپىرى كانادا ۋە ئامېرىكىنىڭ سىياسىي ساھەسى، تاراتقۇلىرى، ئىلىم ساھەسى، شۇ جايدىكى جۇڭگو مۇھاجىرلىرى ۋە جۇڭگولۇقلار بىلەن بولغان يۈزمۇ-يۈز ھالەتتىكى ئالاقە ئالماشتۇرۇش ۋە چۈشىنىش بولۇپ، ئۇلارنىڭ شىنجاڭنىڭ ھەقىقىي ئەھۋالىنى چۈشىنىشىنى ئىلگىرى سۈرۈپ، ئۇلارنىڭ كاللىسىدا ئۇزاقتىن بۇيان شەكىللەنگەن شىنجاڭغا بولغان ئۆلۈك تەسىرات ۋە خاتا چۈشەنچىسىنى تۈگىتىپ، جۇڭگو بىلەن كانادا، ئامېرىكىنىڭ ئادىمىيەت ئالاقىسى ۋە مەدەنىيەت ھەمكارلىقىنى ئىلگىرى سۈرۈشنى مەقسەت قىلغان.

    زو فېڭ مۇنداق دېدى: بۇ قېتىملىق مەدەنىيەت ئالماشتۇرۇش پائالىيىتى ناھايىتى ئەھمىيەتلىك بولدى، زىيارەت قىلىش مەقسىتى ئىشقا ئاشۇرۇلدى.

    جۇڭگو شىنجاڭ مەدەنىيەت ئالماشتۇرۇش ئۆمىكى ئالدىدا ئامېرىكىنىڭ خيۇستون ۋە نيۇيوركدا زىيارەتتە بولغان، 11-ئاينىڭ 1-كۈنى شىمالىي ئامېرىكا سەپىرىنى ئاياغلاشتۇرۇپ، دۆلەتكە قايتىدىكەن.

    كۆرۈپ بېكىتكۈچى: ياسىن قادىر

مۇھەررىر : ئامانگۈل

قىززىق نوقتا

ئاكادېمىيە

شىنجاڭ

مۇھاكىمە مۇنبىرى