ئۇيغۇرچەقازاقشا 简体
ئورنىڭىز : ئۇيغۇرچە - باش بەت - خەلقئارا

رۇسىيە زۇڭتۇڭى پۇتىن ئىراندا زىيارەتتە بولدى

يوللانغان ۋاقىت : 2017 - يىلى 11 - ئاينىڭ 03- كۈنى 03:28   |    ئاپتور :   |   مەنبە : خەلق تورى

    ئوتتۇرا شەرق شاھمات تاختىسى قايتا تىزىلىشى مۇمكىن

    خەلق تورى ئۇيغۇرچە قانىلىنىڭ 2- نويابىر بېيجىڭدىن بەرگەن تېلېگراممىسى: رۇسيە زۇڭتۇڭى ۋلادىمىر پۇتىن 1- نويابىر ئىراندا زىيارەتتە بولدى، زىيارىتىدە ئۇ ئىراننىڭ ئالىي داھىيسى، بۈيۈك ئايەتۇللاھ ئەلى ھامانەيى ۋە زوڭتۇڭ ھەسەن روھانى بىلەن كۆرۈشىدىغان بولۇپ، ئىككى تەرەپ مۇناسىۋىتى، ئېنېرگىيە ھەمكارلىقى، ئىران يادرو مەسىلىسى كېلىشىمى، سۇرىيە ۋەزىيىتى قاتارلىق مەسىلىلەر ئۈستىدە مۇزاكىرە ئېلىپ بارىدۇ. ئۇنىڭدىن باشقا، پۇتىن يەنە روھانى ۋە ئىرانغا زىيارەتكە كەلگەن ئەزەربەيجان زۇڭتۇڭى ئەلىيېف بىلەن ئۈچ تەرەپ سۆھبىتى ئۆتكۈزىدۇ.

    تەھلىلچىلەر چۈشەندۈرۈپ مۇنداق دېدى: ئامېرىكا ئىران يادرو كېلىشىمىنى ئاغدۇرۇپ تاشلاش ئېھتىماللىقى بىلەن تەھدىت سېلىۋاتقان ئەھۋالدا، پۇتىننىڭ بۇ قېتىمقى زىيارىتى ئىران بىلەن ئىستراتېگىيەلىك ساھەلەردىكى ھەمكارلىقنى يەنىمۇ كۈچەيتىدۇ. ئىران بۇنىڭدىن كېيىن سۈرىيە مەسىلىسىدە رۇسىيەگە ماسلىشىپلا قالماستىن، يەنە ئوتتۇرا شەرق رايونىنىڭ مۇقىملىقى جەھەتتە رۇسىيە بىلەن ھەمكارلىشىپ، ئىككى دۆلەتنىڭ ئوتتۇرا شەرق رايونىدىكى تەسىر كۈچىنى ئۆستۈرۈپ، «مۇھىم كۈچ» بولۇش نىشانىنى ئىشقا ئاشۇرۇشنى ئۈمىد قىلىدۇ.

مۇھەررىر : دىلارە خەمىت

قىززىق نوقتا

شىنجاڭ

مۇھاكىمە مۇنبىرى