ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - مەدەنىيەت ئىزنالىرى

توڭگۇزباش قەدىمىي شەھىرى خارابىسىنى مۇستەھكەملەش قۇرۇلۇشى ئوڭۇشلۇق ئېلىپ بېرىلماقتا

يوللانغان ۋاقىت : 2017 - يىلى 10 - ئاينىڭ 26- كۈنى 03:46   |    ئاپتور :   |   مەنبە : خەلق تورى

    خەلق تورى ئۇيغۇرچە قانىلىنىڭ 10- ئۆكتەبىر بېيجىڭدىن بەرگەن تېلېگراممىسى: (توقسۇ ناھىيەلىك رادىيو-تېلېۋىزىيە ئىستانسىسىدىن: سىدىق مىجىت، گۈزەلئاي ئېلى خەۋىرى) يېقىنقى يىللاردىن بۇيان، توقسۇ ناھىيەسىدىكى توڭگۇزباش قەدىمىي شەھىرى خارابىسىنىڭ تاملىرىدا ئولتۇرۇشۇش، يېرىلىش قاتارلىق ئەھۋاللار كۆرۈلگەچكە، دۆلەتلىك مەدەنىيەت يادىكارلىقلىرى ئىدارىسى 2014-يىلى 6-ئايدا توڭگۇزباش قەدىمىي شەھەر خارابىسىنى مۇستەھكەملەش قۇرۇلۇشىنىڭ دەسلەپكى قەدەمدىكى لايىھەسىنى تەستىقلىغاندىن كېيىن، گەنسۇ ئوتتۇرا تۆمۈريول قۇرۇلۇشى چەكلىك شىركىتى بۇ قەدىمىي شەھەر خارابىسىگە قارىتا 4 مىليون يۈەندىن كۆپرەك مەبلەغ سېلىپ، قۇتقۇزۇش خاراكتېرلىك قوغداش تەدبىرىنى قوللانغان ئىدى. بۇ تۈر 2016- يىلى 7-ئاينىڭ 25-كۈنىدىن باشلاپ رەسمىي يولغا قويۇلۇپ، قۇرۇلۇش قىلغۇچى ئورۇن بۇ مەدەنىيەت يادىكارلىقىنىڭ ئەسلىي ھالىتىنى ئۆزگەرتمەسلىك پىرىنسىپى بويىچە، ئەسلىدىكى ئۆرۈلۈش، يېرىلىش ۋە باشقا ئالامەتلەرنى ئاساسىي جەھەتتىن تۈگىتىپ، قورۇلۇشنىڭ ئەسلىي ھالىتىنى ساقلاپ قالدى.

    توڭگۇزباش قەدىمىي شەھىرى خارابىسى توقسۇ ناھىيەسى تامتوغراق يېزىسىنىڭ توڭگۇزباش دېھقانچىلىق مەيدانىنىڭ جەنۇبىغا جايلاشقان بولۇپ، توقسۇ ناھىيە بازىرى بىلەن بولغان ئارىلىقى 48 كىلومېتىر كېلىدۇ. ئەينى ۋاقىتتا بۇ جاي تاڭ سۇلالىسى شىئەن باش قورۇقچىبەگ مەھكىمىسى ھۆكۈمرانلىقى ئاستىدىكى لەشكەرلەر مەركىزىي بارىگاھى بولۇپ، مۇناسىۋەتلىك ماتېرىياللارغا ئاساسلانغاندا، بۇ قەدىمىي شەھەر خارابىسى مىلادىيە 647-يىلىدىن 692-يىللارغىچە بولغان مەزگىلىدە ياسالغان بولۇپ، پۈتۈن مەملىكەت بويىچە 6- تۈركۈمدىكى نۇقتىلىق قۆغدىلىدىغان مەدەنىيەت يادىكارلىقى ئورنى بولۇپ ھېسابلىنىدۇ.

مۇھەررىر : دىلارە خەمىت

قىززىق نوقتا

ئاكادېمىيە

شىنجاڭ

مۇھاكىمە مۇنبىرى