ئۇيغۇرچە uyghurche Уйғурчә قازاقشا 中文 يانفون نۇسخسى
ئورنىڭىز : ئۇيغۇرچە - باش بەت - مەملىكەت

ئالدىنقى يېرىم يىلدا ئۆي باھاسى ئومۇمىي جەھەتتىن مۇقىم بولدى

يوللانغان ۋاقىت : 2017 - يىلى 07 - ئاينىڭ 20- كۈنى 02:58   |    ئاپتور :   |   مەنبە : جۇڭگو ئۇيغۇرچە رادىيو تورى

    دۆلەتلىك ئىستاتىستىكا ئىدارىسى 18-ئىيۇل ئېلان قىلغان سانلىق مەلۇماتتىن ئايان بولۇشىچە، 6-ئايدا 70 چوڭ ئوتتۇرا چوڭ شەھەر ئىچىدە 1-،2-سەپتىكى شەھەرلەرنىڭ ئۆي باھاسىنىڭ ئۆرلەش كۆلىمى ئوخشاش مەزگىلىدىكىگە قارىغاندا داۋاملىق تۆۋەنلىگەن، 1-سەپتىكى شەھەرلەرنىڭ ئۆي باھاسى ئالدىنقى ئايغا قارىغاندا تۆۋەنلىگەن. 6-ئايدا 1-سەپتىكى شەھەرلەردە يېڭىدىن سېلىنغان تاۋار ئۆي ۋە نىمكەش ئۆيلەرنىڭ باھاسى ئالدىنقى ئايغا قارىغاندا %0.1 ۋە %0.2 تۆۋەنلىگەن.

    گوۋۇيۈەن تەرەققىيات تەتقىقات مەركىزى بازار ئىقتىسادى تەتقىقات ئورنىنىڭ تەتقىقاتچىسى رىن شىڭجۇۋ مۇنداق دېدى: ئومۇمىي جەھەتتىن قارىغاندا، ئالدىنقى يېرىم يىلدا 1-سەپتىكى شەھەرلەردە ئۆي باھاسى مۇقىملىق ئىچىدە تۆۋەنلىدى. تەڭشەپ كونترول قىلىش سىياسىتىنىڭ تەسىرىدە، 1-سەپتىكى شەھەرلەردە ھايانكەشلىك خاراكتېرىدە ئۆي سېتىۋېلىش تىزگىنلەندى، ئۆي-مۈلۈك كۆپۈكى يېغىلىپ قىلىش ۋەزىيىتىدە بۇرۇلۇش بولدى.

    ئۇ مۇنداق دېدى: كېلەر يېرىم يىلدا داۋاملىق ئۆي-مۈلۈك ساھەسىدە «پىشاڭسىزلاشتۇرۇش»نى داۋاملاشتۇرۇش، پۇل-مۇئامىلە خېيىم-خەتىرى يوشۇرۇن ئاپىتىنى تۈگىتىپ، ئەمەلىيەتتىن ئايرىلىپ، مەۋھۇملۇققا يۈزلىنىشنىڭ، كۆپۈكنىڭ يېغىلىپ قىلىشنىڭ ئالدىنى ئېلىش كېرەك. شۇنىڭ بىلەن بىر ۋاقىتتا، يەنە ئولتۇرىدىغان تۇرالغۇ ھەمدە ئېھتىياجنى ياخشىلاشنى قوللاش كېرەك. تەمىنلەش جەھەتتىكى قۇرۇلمىلىق ئىسلاھاتتىمۇ سىياسەت جەھەتتىن تەڭشەپ كونترول قىلىشنى كۈچەيتىش، تەمىنلەش بىلەن ئېھتىياج زىددىيىتى بىر قەدەر چوڭ شەھەرلەردە تۇرالغۇغا ئىشلىتىدىغان يەر ۋە ئادەتتىكى تاۋار ئۆي بىلەن تەمىنلەشنى كۆپەيتىش كېرەك. تۇرالغۇ ئۆي كاپالىتى ۋە كەپىلىك رايونلارنى ياخشىلاشقا ئالاقىدار سىياسەتلەرنى ئەمەلىيلەشتۈرۈش، ئىجارە ئۆي بازىرىنى كۈچەپ تەرەققىي قىلدۇرۇش كېرەك. ئېھتىياج ۋە تەمىنلەش ئارقىلىق،ئۆي باھاسىنىڭ مۇقىم بولۇشىنى ئىلگىرى سۈرۈش كېرەك.

مۇھەررىر : دىلارە خەمىت

قىززىق نوقتا

ئاكادېمىيە

شىنجاڭ

مۇھاكىمە مۇنبىرى