ئۇيغۇرچەقازاقشا 简体
ئورنىڭىز : ئۇيغۇرچە - باش بەت - خەلقئارا

ئامېرىكا ئارمىيەسى تۇنجى قېتىم ئافغانىستاندا «بومبا ئانىسى»نى ئىشلەتتى

يوللانغان ۋاقىت : 2017 - يىلى 04 - ئاينىڭ 17- كۈنى 03:15   |    ئاپتور :   |   مەنبە : خەلق تورى

    خەلق تورى ئۇيغۇرچە قانىلىنىڭ 14-ئاپرېل بېيجىڭدىن بەرگەن تېلېگراممىسى: ئامېرىكا دۆلەت مۇداپىئە مىنىستىرلىقى 13-ئاپرىل، ئامېرىكا ئارمىيەسىنىڭ شۇ كۈنى ئافغانىستان چېگراسى ئىچىدىكى ئاشقۇن تەشكىلات «ئىسلام دۆلىتى» نىشانلىرىغا «بومبا ئانىسى» دەپ نام ئالغان GBU-43 چوڭ تىپتىكى بوشلۇقتا پارتلايدىغان بومبا تاشلىغانلىقىنى، بۇ ئامېرىكا ئارمىيەسىنىڭ تۇنجى قېتىم ئۇرۇشتا بۇ خىل بومبا ئىشلىتىشى ئىكەنلىكىنى ئېيتتى.

    ئامېرىكا ئاق ساراي باياناتچىسى سپايسېر شۇ كۈنى قەرەللىك ئاخبارات ئېلان قىلىش يىغىنىدا: بۇ قېتىمقى ھاۋا ھۇجۇمىنىڭ «ئىسلام دۆلىتى» قوراللىق ئۇنسۇرلىرىنىڭ ئافغانىستاندىكى لەخمىلىرىگە قارىتىلغانلىقىنى، ئاساسلىق مەقسىتىنىڭ «ئىسلام دۆلىتى» قوراللىق ئۇنسۇرلىرىنىڭ ئافغانىستاندىكى ھەرىكەت بوشلۇقىنى قامال قىلىش ئىكەنلىكىنى ئېيتتى.

    «بومبا ئانىسى»نىڭ ئېغىرلىقى 9.5 توننا كېلىدىغان بولۇپ، ئامېرىكا ئارمىيەسىنىڭ ئۇرۇشتا ئىشلەتكەن يادرو بومبىسى بولمىغان ئەڭ چوڭ بومبىسى بولۇپ قالدى.

مۇھەررىر : دىلارە خەمىت

قىززىق نوقتا

شىنجاڭ

مۇھاكىمە مۇنبىرى